Ngawisik Diri

Laras: Madenda
Wanda: Panambih
Pencipta: Rachmat Sukmasaputra

[gelenyu]

Tengah peuting keur jumempling
harita kuring keur nyaring
samar-samar aya sora
jiga anu mawa béja

Jiga anu mawa béja
mun béja, béja ti mana
jeung saha anu mawana

[gelenyu]

Kuring nanya kana diri
naon nu bakal ngajadi
kajadian nu tumiba
ayeuna ka diri kuring

kajadian nu tumiba
ayeuna ka diri kuring, duh Gusti
éstu luar ti biasa
aya sora tan katingal

---

[gelenyu]

Tapi keur kuring percaya
Maha Suci Maha Agung
Waspada Maha Kawasa
sagala kereteg ati

Sagala kereteg ati
nu goréngna nu hadéna
tan wandé enggeus kajudi

[gelenyu]

Nya Alloh nu Maha Agung
Anu sipat rohman rohim
abdi ka Gusti nya muntang
muga Gusti nangtayungan

Abdi ka gusti nya muntang
muga Gusti nangtayungan, duh Gusti
maparinan kanugrahan
nyalametkeun lahir batin