Nyipta Nu Enya
Barasat!
Burinyay!
lir gelap ngampar na peuting ieu.
Lemah eundeur lir geterna kahariwang
Karasa héabna seuneu nu ngaléntab dada kula.
Kecap-kecap ngaguruh atra karasa,
kecap nu jadi jejer hirup walatra
Kedal sakecap wawakil diri
Merdéka!
Gening…
Eundeurna lemah ieu, héabna seuneu ieu
teu cukup keur ngajurung nangtung,
teu wasa keur medar sila
Kahariwang sok kumalangkang,
kainggis nagri baganti
Pajar, ceuk béja mah merdéka
tapi ceuk rasa rumpa-rampa.
Cianjur, 13 Agustus’08
Ilham Nurwansah
Pengkaji naskah dan bahasa Sunda kuno. Saat ini fokus menggali sumber-sumber primer sejarah lokal Cianjur. Sejak 2023 menjadi Tim Ahli Cagar Budaya Kabupaten Cianjur. Menggunakan Linux secara penuh lebih dari 15 tahun, untuk penggarapan karya-karyanya.
Total views : 44365
Who's Online : 0